نهنيك يادرنـــــه علي ما درتي ...

نهنيك يادرنـــــه علي ما درتي ...
خيرك سبق عالكل ما قصرتي ...

الله عطاك ...
اولادك تريس اوْشانهم علاك ...
في كل جبهه صامدين ضناك ...
الله والنبي بالله ما كبرتي ...

فيك ارجال ...
اوْقت الشدايد صامدين ابطال ...
اولاد فخر مايعرفو موحال ...
ديما علي مبداك ما غيرتي ...

في ايام زمانك ...
مــــاتو اولادك ظلم فــــي وديانك ...
جابو اجيوش اوْفتشو حيشانك ...
ابروحك علي ظلم الطواغي ثرتي ...

ما القيتـــي والــــــي ...
ايام دمعك كف يدك مالي ...
ديما علي كلمة انا ما اتسالي ...
اوْلا يوم عمرك للفخر دورتي ...

انهنيك يادرنه علي ما درتي ...

الشاعر / نبيل مخلوف