هادي هي البنت الليبية ..يللي تسأل وماتعرفها !!!!!

هادي هي البنت الليبية ..يللي تسأل وماتعرفها !!!!!


لو نوصفها بنت بلادي مايرضى كلامي يطاوعني
براة وخفة دم وطيبة وحنية تسحر ناظرها
خلوقة وديانتها اسلامية والبسمة تزين نظرتها
خجولة والحجاب محلااها وفي الوصف ماحد يوصلها
ودودة وحبوبة وعفيفة والحشمة تنور طلتها
تخش الخاطر من اولها وتملك قلب اللي عاشرها
ماتهون العشرة ولاتنسى وفي الكلمة الطيبة راحتها
حرة ماترضى الاهانة وماتنسى جميل اللي حررها
زينة في فعايل وكلام ونتحدى اي بنية تقارنها
صبورة كي بنت مصراتة والطلة طرابلسية في ثقتها
والنخوة في بنت زوارة ومحرارة الزنتانية في كلمتها
وشجاعتها في التيجاوية اصيلة ماحدش يقدرها
وكرامة البنت الزاوية وعفة الزليطنية وشرفها
وقوة البنت الغريانية وشهامة الصبراتية في منبرها
ونخوة البنت المسلاتية اللي ثارت عللي ظالمها
اجدابية روح الدرناوية والبيضاء اللي ثارت في اولها
وماننسو كرم بنت غدامس والرياينية في ادبها وطيبتها
ويفرن والقواليش وكاباو جبالية تواضعها عالي قيمتها
ووالعجيلية وبنت رقدالين كريمة طبع محلي سيرتها
وبنت الخمس في هداوتها والصرمانية العقل زينتها
ولو نجوب مشرقها لمغربها بنت بلادي ماتوصل قيمتها
علم وادب وخلق ودين كل صفات الدنيا اختصرتها
هاذي هي البنت الليبيية يللي تسأل وماتعرفها
كنز صعب تلاقي مثيله خيالة صنعت فارسها
ام حرة واخت الشهيد وبنت الثاير اللي شرفها
ولو نكتب ونعبر ونزيد مايكفي كلامي ومايوصفها
وتحية مني لكل ليبية اللي صنعت مجد يشرف حاضرها
موش غرور ولاشوفة حال ولاتماديت في وصف قمرها
ليبيا ولادة رجال ابطال وبنت بلادي مايطيح قدرها
وشعري عاجز يوصفها باتقان وقال انه صعب يقدرها
لاني ليبية عز وشان ونخوة وعزيمة للجيل تورثها
وياقاري كلامي صلي عالهادي على الزينة الحرة بنت بلادي
حياء وطيبة وبنت بوادي واللي ماخلفت مع وطني ميعادي
تجاهد وتناظل بعزيمة وماترضى حروب الاعادي
حرة اصيلة ومحرارة وتسلم الام اللي جابتها