الله ايعزكم يافراسين لبلاد

الله ايعزكم يافراسين لبلاد


الشاعر :احمد الشامخ


الله ايعزكم يافراسين لبلاد غاليه ماعطيتوها
نلقانهم ضنا اجواد زينين *** شهاده مني اخذوها
ونلقانهم ضني وطن وافيين ** مي ابقولتي بينوها
افدا الوطن الروس بايعين*** لرواح غاليه رخصوها
اجدودهم الهم فالمايدين ** ملاحم شرف سجلوها
اللي تومجوا في مكامين ** بحبال الركب عقلوها
لايوم لاهن اثنين ** عشرين عام اعلقوها
عطاهم جزيل وثمين ** ايش غلا مالروح وعطوها
واحفاذهم الهم جايين ** العقول الدروس البسوها
الفرسنه ورث وارثين ** من هلهم الهم ورثوها
مالكينها ملك مالطين ** فرس بوهم ويركبوها
نباهم انجا تسمع رنين** زغاريتا بنت بوها
قوم خاشه في نوارين ** وفيه غيرهم ماوطوها
رصاص حمر داير زنين** لاهادنو لا ساوموهـــا
مي املاقطه بالعوادين ** ولا امظاهرة بالنزوها
ولا مقرنه بالمقارين ** ولاابيات شعر اسمعوها
اجهاد وطن مافيه تضنين ** لاامغالطه لا شبوها
هضول درب لجداد سالكين ** لا جنحوا لاخطوها
هضول تاج فوق الجبـــين ** رايه العز ارفعوها
هضول ليبيا مبطونين اوسام الفخر قلدوها
انجيتم عند عنيدين ** القاسيه عند يكسروها
وان كان جيت بالحسن واللين ** مافيده يطلقوها
هضول مدحهم واجب ودين ** مي شكيرتا يشحتوها
عدوانهم فنو في الوداوين** يستاهلو كلاب اوكلوها
ابتلميدهم لها لذوانين ** جو ايكحلو فيها عموها
هبود وطنا جوه غازيين** افرازت امرار اشربوها
والصاع رد صاعيـــن ** النار هم الي حاوكوها
تاريخ انكتب في دواين ** سمعوبها اللي ماانظروها
والنصر ننظرو فيه بالعين ** انقولها المن يجهلوها
امعاي بالدعا يالسامعين ** وجه الله اقصدوها
وامعا الدعا رفعه ايدين **ودمعه خشوع اذرفوها
ايجيب الدعا هو المعين **ياتيكم بما تطلبوه
وصلاة عالنبي يالداعيين** ابدو ابها وبيه اختموها
واختام العلل قوله آمين ** ونعمه الله اشكروها



..